कांगड़ा जिला में सहभागिता सहयोग भाईचारे के उदाहरण यहां की वैवाहिक रीति रिवाज परम्पराएं थी । उनमें आये बदलाव को अपनी माँ बोली में लिखने का प्रयास किया है।
#कुणी_लांणे_रबार
#हेमांशु_मिश्रा
हूण कुथु होंदियाँ लोढ़कां
हूण कुथु जांदे लद्धड़
गालियां गाना ओछा लगदा
पैंठी खाना ओखा
भूली गए हूण शिक्षा पढ़ना
सेहरा हूण कुणी गलाणा
लेई छैई दा शास्त्र ही करना
झमाकड़ा दसो कियाँ पाणा
निलियाँ पीलिया सैलियाँ
झण्डियां गवाचियाँ
तोरण किहाँ सजाणा
ऐपण किहाँ बनाणा
कुथु गए सै बूंदी सेईयाँ
छूटी गए सब भत भटुरु
बुझी गए सै लम्प लन्टेन
डुली गए सब इत्र फ्लेल
जमाने कने मुकी गए अपने सारे मेल
मैंन्नै कॉकटेल च बदले
बदली गए रिवाज़
जमाना बदलाया
जानी बदली
बुटना बदलेया
बदली गए तेल सांद
राजी रैहन नाई पुरोत
फ़ोटोग्राफर दी गल जो मन्दे
थीमा मुताबिक कपड़े लांदे
मॉडर्न अपने जो सारे ग्लांदे
पानिये भरना हूण कुण जांदे
तिणा पर किहाँ चरोटी चढान्दे
लगना बेले गीत नी गांदे
दुबकी करि आपणेयां घरांच सोंदे
लाह तरोटे हूण नी होंदे
कुणी लांणे रबार
कुणी लांणे रबार
लोढ़कां pre wedding feast for would be bride or groom by nears and Dears
लद्धड़ Brothers of the bride accompanying her after marriage
तीण Trench used for mass cooking
लाह तरोटे Gossips
रबार Mediation for marriage
बुटना Haldi ceremony
बूंदी सेइयाँ Sweets offered for welcoming Barat
झमाकड़ा Marriage Folk dance
ऐपन Floor painted with white traditional clay
भटुरु Fermanted Roti
लई छेई Wood cutting cremony . This wood is used for Havan and cooking .
इत्र फ्लेल Perfume stacked in traditional flask
तोरण Holy gate
Photo KANGRA BRIDE
from Shobha Singh Art Gallery Andretta Palampur
